Web ataria
ESCastellano EUEuskara
Identifikatu

Egoitza Elektronikoa

No hay subtitulo

Egoitza Elektronikoa
Itzuli Inprimatu

Arartekoaren pribatutasun-politika

Hasiera > Arartekoaren pribatutasun-politika

Agiri honetan informazio interesgarria aurkituko duzu Arartekoak zure datu pertsonalak tratatzeko moduaz eta dauzkazun eskubideez, honako arau hauen arabera: 2016/679 (EB) Erregelamendua, Europako Parlamentuarena eta Kontseiluarena, 2016ko apirilaren 27koa, datu pertsonalen tratamenduari dagokionez pertsona fisikoen babesari eta datu horien zirkulazio askeari buruzko arauak ezartzen dituena (Datuak Babesteko Erregelamendu Orokorra, DBEO) eta 3/2018 Lege Organikoa, abenduaren 5ekoa, Datu pertsonalak babesteari eta eskubide digitalak bermatzeari buruzkoa.

I. Arduraduna eta berarekin harremanetan jartzeko bideak

Arartekoa Euskadiko herriaren defendatzailea edo Ombudsmana da. Erakunde burujabea eta alderdikeriarik gabea da eta Euskadiko herritarrei zerbitzu publikoa egiten die, euskal administrazio publikoen jarduerekin zerikusia duten kexetan eta kontsultetan. Era berean, pertsonen eskubideak babesteko eginkizuna du legez. Informazio gehiago lor dezakezu hemen: www.ararteko.eus.

Arartekoarekin harremanetan jartzeko bideak:

II. Datuak babesteko ordezkaria

Arartekoan Gonzalo Álvarez Hazas izendatu dute Datuak babesteko ordezkari. Berarekin harremanetan jar zaitezke lopd@ararteko.eus postaren bitartez.

III. Zure eskubideak baliatzea

Eskubide hauek baliatu ahal izango dituzu:

  1. Zure datu pertsonaletan sartzeko eskubidea, zeintzuk tratatzen ari diren eta haiekin zer trataera-eragiketa burutu diren jakiteko.
  2. Oker dagoen edozein datu pertsonal zuzentzeko eskubidea.
  3. Zure datu pertsonalak kentzeko eskubidea, hori egin daitekeenean.
  4. Zure datu pertsonalak tratatzeari aurka egiteko eskubidea, batez ere Interneten irudia erabiltzearekin lotutakoa. Aurka egiteko eskubidea gauzatzen bada, zure datuak kenduko dira, Arartekoak premiazko bidezko interesik ez badu behintzat, edo kexak azaldu, izapidetu edo defendatzeko behar ez baditu.
  5. Zure datu pertsonalen tratamendua mugatu dadin eskatzeko eskubidea, baldin eta datu-tratamenduaren zehaztasuna, legezkotasuna edo premia zalantzazkoa bada. Halakoetan, datuak gorde ahal izango ditugu, kexak izapidetzeko edo defendatzeko.
  6. Zure datuak eramateko eskubidea, betiere datu horiek tratatzeko ahalmena ematen digun legezko oinarria kontratu-harremana edo zure baimena baldin badira.
  7. Arartekoari emandako baimena baliogabetzeko eskubidea.

Bestalde, Datuak Babesteko Euskal Agentziari kexa egiteko eskubidea duzu, baldin eta, zure ustez, datuak babesteari buruzko legeria urratu bada, zure datu pertsonalak tratatzeari dagokionez.

IV. Arartekoak egindako datu-tratamenduen gaineko informazioa

Arartekoak Tratamendu Jardueren Erregistroa dauka, webean argitaratuta. Bertan zehatz-mehatz azaltzen da tratamendu arduradunak egindako tratamenduetako bakoitza:

TRATAMENDUA

HELBURUA
Komunikazioa, hedapena eta gardentasuna Erakundearen komunikazioa kudeatzea: buletinen, txostenen, azterlanen eta erakunde-informazio ororen zabalkundea.

Herritarrekiko interakzioa kudeatzea, interes publikokoa den informazioa komunikatu eta zabaltzeko bide elektronikoak eta ez elektronikoak erabiliz.
Ekonomia kudeaketa eta kontratazio publikoaren kontrola Kontratazio eta gastuei buruzko espedienteak, kontularitzako dokumentuak eta zerga- edo tributu-dokumentazioa kudeatzea eta bideratzea, baita erakundearen funtzionamendurako ezinbesteko eskuraketak kudeatzea eta hornitzaileei ordaintzea ere.
Kexen eta kontsulten kudeaketa Arartekoak herritarren eskura jarri dituen eta zerbitzuen kartan deskribatuta dauden bideak erabiliz herritarrengandik jasotako esku hartzeko eskaerei erantzutea.

Arartekoari bidalitako kexak eta kontsultak –baita horiek sortzen dituzten espedienteak eta ofizioz hasitako espedienteak ere– kudeatzea, izapidetzea eta horien jarraipena egitea.
Giza baliabideen kudeaketa Langileen kudeaketa, nominak egitea, prestakuntza eta laneko istripuak prebenitzea.
Hautaketa-prozesuak Arartekoan behin-behineko langileentzako lanpostuak betetzeko hautaketa-prozesuen kudeaketa.
Beken deialdietako parte-hartzaileak Ikerketa aplikatuko bekak emateko prozesuak kudeatzea eta izapidetzea.
Harremanetarako pertsonak Arartekoak dagozkion eginkizunak betetzen dituenean berarekin harremanetan jartzen diren erakunde, enpresa, administrazio, elkarte eta beste antolakunde batzuetako harremanetarako pertsonekiko harremanak kudeatzea.
Dokumentazioaren sarrera eta irteera erregistroa Jasotzen eta igortzen diren dokumentuen erregistroa kudeatzea.
Haur eta nerabeen kontseilua eta haur, neska eta nerabeak babesteko politika Haur eta Nerabeentzako Kontseiluko eta Bulegoko jarduerak antolatzea, haur eta nerabeei dagozkien erakundearen politikak kudeatzearen esparruan.
Nire Ararteko Estranet zerbitzua, “Nire Ararteko” deritzana. Erakundeak erabiltzaileei eskura jartzen die, jarraian aipatuko ditugunak bezalako zerbitzuak eskuratzeko:
  • Estraneten sartu nahi duten erabiltzaileak erregistratzea.
  • Aukeraketa-prozesuetarako enplegu-eskaintzak kontsultatzea eta horietan izena ematea.
  • Agiriak eta berri interesgarriak jakinarazteko zerbitzuan izena ematea, erabiltzaileak zehaztutako hobespenetan oinarrituta.

Baldin eta, behar bezala justifikatuta, Tratamendu Jardueren Erregistroari buruzko xehetasun gehiago jakin behar baduzu, Arartekora jo dezakezu, 1. atalean zehaztutako bideren bat erabiliz.

V. Datuak gordetzea

Ematen dizkiguzun datu pertsonalak zertarako eskatzen diren, horrexetarako gordeko dira beharrezkoa den denboran. Beste erantzukizun batzuk egon daitezkeenean, behar-beharrezko denboran gordeko dira, tratamendu horiek legitimatzen dituen oinarriaren arabera. Era berean, datu pertsonalak artxibategiei eta dokumentazioari buruzko araudiaren arabera gordeko dira, araudi hori ezartzen zaienean.

VI. Segurtasuna

Ezarritako segurtasun neurriak bat datoz administrazio elektronikoaren arloko Segurtasuneko Eskema Nazionalean aurreikusitakoekin. Horiek behar bezala azalduta daude Ararteko erakundearen informazioaren segurtasuna osatzen duten agirietan.

VII. Isilpekotasuna

Web gunearen bitartez edo zurekin ditugun komunikazioetan biltzen ditugun datuak isilean tratatuko dira, eta horiek sekretuan gordeko ditugula hitzematen dugu, ezarri beharreko legerian ezarritakoaren arabera.

VIII. Nazioarteko datu-transferentziak

Oro har, Ararteko erakundeak ez du datu pertsonalen nazioarteko transferentziarik egiten.

Gizarte-sareak erabiltzearen esparruan, datu puntual batzuen nazioarteko transferentziak egin daitezke Estatu Batuetara, EB-AEBko datuak segurtasunez eta konfiantzaz zirkulatzeko asmoz Europako Batzordeak 2023an onartu zuen egokitzapen-erabakian babestuta.

EDUKI HONEKIN ZERIKUSIA DUTEN DOKUMENTUAK
Itzuli Inprimatu