Egoitza elektronikoa

Ararteko erakundeko erabiltzaileek eskubidea dute:

1. Informazio argia eta osoa lortzeko, erakundearen jarduera orokorrari eta eskubideak defendatu eta babesteko jarduerei buruz.
2. Informazioa eta orientazioa jasotzeko, kexa bat egiteak dakartzan betekizun juridiko edo teknikoen inguruan.
3. Orientazioa lortzeko, Arartekoaren eskumenetik at dauden gaiak nola bideratu jakiteko.
4. Arreta euskaraz eta gaztelaniaz jasotzeko eta prozedurako hizkuntza aukeratzeko.
5. Arartekoko langileek begirunez trata ditzaten. Langile horiek erraztu egingo diete beraien eskubideak gauzatzea eta betebeharrak betetzea.
6. Arreta-emailea nor den eta zer lanpostu betetzen duen jakiteko.
7. Kexa bat egiteko, beren eskubideak agian urratu egin dituztela uste badute, eta kexa idazteko aholkuak eskatzeko.
8. Aurrez aurre edo telefonoz Arartekoko langileen laguntza jasotzeko, erakundearekin dituzten harremanetan bitarteko elektronikoak erabiltzeko.
9. Arartekoaren aurrean aholkulari baten laguntzarekin jarduteko, beren eskubideak babesteko beharrezkoa iruditzen bazaie.
10. Arartekoak kexa-idazkia edo kontsulta hartu duela adierazten duen egiaztagiria jasotzeko, eta erakundeari ematen dizkioten jatorrizko agiriak berreskuratzeko.
11. Kexak eta kontsultak Arartekoa arautzeko Legean ezarritako prozeduraren arabera izapidetzeko.
12. Ararteko erakundearekin harremanetan jartzeko bidea aukeratzeko, eta hori aldatu ahal izateko, egokia iruditzen zaienean.
13. Sektore publikoko bitarteko elektronikoekin zerikusia duten eskubideak baliatzeko. Eskubide horiek ematen dituzte urriaren 1eko 39/2015 Legeak (Administrazio Publikoen Administrazio Prozedura Erkidearena) eta hori garatzen duen martxoaren 30eko 203/2021 Errege Dekretuak (Sektore publikoaren bitarteko elektronikoen bidezko jardunaren eta funtzionamenduaren erregelamendua onartzen duena).
14. Kexa edo kontsulta-espedientearen tramitazio-egoera edonoiz jakiteko, eta espedientean dauden agirien edukia ikusteko, abenduaren 9ko 19/2013 Legeak (Gardentasunari, informazio publikoa eskuratzeko bideari eta gobernu onari buruzkoa) 14.1 k) artikuluan ezarritako mugarekin.
15. Kexan azterturiko gaiaz hartu den erabakia jasotzeko.
16. Zuzeneko informazioa, errespetuzkoa eta egoera pertsonal, sozial eta kulturalera egokitua jasotzeko.
17. Informazio orokorra nahi duten moduan jasotzeko: aurrez aurre, idatziz, telefonoz edo bitarteko telematikoen bidez.
18. Arartekoak beharrezko neurriak hartzeko, desgaitasun fisiko, sentsoriala edo intelektuala dutenek beren eskubideak erabat balia ditzaten. Horretarako, antolaketa-, teknika-, komunikazio- edo zeinu-interpretazioko jarduerak burutuko dira, eta herritarrei arreta emateko langileak trebatuko dituzte.
19. Arartekoak adingabeei arreta berezia eskaintzeko, ezarritako protokoloen eta prozeduren arabera, beharrezko laguntza eta babesa jaso ditzaten kexa egitean eta, beharrezkoa balitz, ikerketa-prozedura osoan.
20. Haurrak eta nerabeak babesteko barne-politikatik eratorritako eskubideak izateko. Eskubide horiek Arartekoaren 2020ko urriaren 8ko Ebazpenean agertzen dira (ebazpen horren bidez onartu zen Haurrak eta Nerabeak Babesteko Arartekoaren Politika).
21. Arartekoaren ahozko eta idatzizko jakinarazpenetan hizkera ulergarria erabiltzeko, eta beharrezkoak diren azalpenak lortzeko.
22. Datu pertsonalak babesteko, ezarri beharreko araudiarekin eta Arartekoak onartu eta bere web orrian argitaratutako pribatutasun politikarekin bat etorriz.
23. Jendearentzat eskuragarri dauden agiri-funtsak eta datu-baseak kontsultatzeko. Nolanahi ere, ikerketak dirauen bitartean, kexagilearen konfidentzialtasuna bermatuko da, eta erabat isilean gordeko dira ikertutako egintza, ez-egite, jokaera edo zerbitzuekin zerikusirik ez duten partikularren eta erakundeen datuak.
24. Kexa ixten den unean, erakundearen funtzionamenduari eta eraginkortasunari buruzko iritzia emateko.
25. Erakundearen funtzionamenduaren gaineko erreklamazioak eta iradokizunak egiteko.
26. Arartekoak daukan informazio publikoa eskuratzeko.
27. Arartekoaren administrazio-jokabide egokiaren printzipio orokorretatik eratorritako eskubideak baliatzeko. Eskubide horiek Arartekoaren 2017ko abuztuaren 30eko Ebazpenean jasota daude (horren bidez onartu zen Ararteko erakundearen administrazio-jokabide egokirako kodea).