Egoitza elektronikoa

Herritarrei dagozkien eskubideak Administrazioarekin dituzten harremanetan:

• Informazioa, orientazioa eta errespetuzko tratua jasotzea.
• Izapideen arduradunak nor diren jakitea.
• Administrazio erregistro eta artxiboetan sarbidea izatea, baldin hirugarren batzuen eskubideak urratzen ez badira edo hori eragozteko interes publikoko arrazoirik ez badago.
• Aurkezten dituzten jatorrizko agirien kopia zigilatua eskuratzea eta halakoak berreskuratzea, espedientean jasota geratu behar ez baldin badute.
• Interesdun gisa parte hartzen duen espedienteen bideratze-egoeraren berri izatea, eta haren agirien kopiak eskuratzea.
• Alegazioak egitea eta agiriak aurkeztea prozeduretako edozein unetan, entzunaldiaren izapidearen aurretik, betiere.
• Arauetan eskatzen ez diren agiriak edo gaia kudeatzen duen administrazioak dagoeneko dauzkan agiriak ez aurkeztea.
• Jakinarazpenak jasotzeko tokia eta lehentasunezko bidea hautatzea.
• Administrazioarengandik berariazko erantzun bat jasotzea.
• Administrazioari nahiz haren zerbitzuko pertsonalari erantzukizuna eskatzea, legez hori zilegi denean. Datuak Babesteko Erregistro Nagusian kontsultak egitea, haien datuen tratamendu eta erabilerari buruz nahiz fitxategiaren arduradunaren nortasunari buruz.
• Datuak zuzentzea, deuseztatzea nahiz haiek erabiltzearen aurka egitea, legean ezarririk dagoen moduan.
• Konstituzioak eta legeek aitortzen dizkieten beste eskubide guztiak.